200-dən çox balina sahilə çıxdı

Avstraliyanın Tasmaniya ştatının qərb sahilində 200-dən çox balina sahilə çıxmış vəziyyətdə aşkar olunub.

Qazet.az xəbər verir ki, balinaların yarısının hələ də sağ olduğuna inanılır.

Əraziyə xilasedicilər göndərilib.

Bu, Tasmaniya ərazisində son 2 gün ərzində baş verən 2-ci hadisədir.

Çərşənbə axşamı bu hadisə sözügedən ərazinin Kinq adasında qeydə alınıb. Həmin yerdə 14 gənc balina ölü tapılmışdı.

Tasmaniyanın Təbii Sərvətlər və Ətraf Mühit Departamentinin verdiyi açıqlamada, 230 balinanın xilas edilməsini planlaşdırılsa da, əməliyyatın yerləşdiyi yerə görə mürəkkəb olacağı deyilib.

Departament üzvü "Görünür, heyvanların təxminən yarısı sağdır." deyə fikrini tamamlayıb.