6 mərtəbəli qeyri-adi məscid inşa edildi - FOTO+VİDEO

Türkiyənin paytaxtı Ankarada yeni Esertepe məscidi açılışa hazırdır. Qeyri-adi bu məscid uzaqdan yaşayış binasına bitişik görünür. 

Qazet.az xəbər verir ki, bu haqda İhlas Xəbər Agentliyi (İHA) məlumat yayıb. Keçiörendəki müsəlman məbədi tikilməkdə olan binanın fotoları internetdə yayıldıqdan sonra məşhurlaşıb. 

Tikinti başlandıqdan 11 il sonra, nəhayət, məscid açılışa hazırdır. Osmanlı dövrü məscidlərinin ən gözəl nümunələrinə ev sahibliyi edən ölkədə 6 mərtəbəli məscid qəribə arxitekturasına görə tənqidlərə səbəb olmuş, dizaynerlər isə inşa edildiyi landşaftın xüsusiyyətləri baxımından belə tikilişi zərurət olaraq müdafiə etmişlər.

İnşaatı başa çatdırmaq üçün vəsait tapan könüllülər layihəni iyunda başa çatdırmağa nail olublar. Bundan sonra məscidin bəzədilməsi və Quran oxumaq dərsləri üçün istifadə olunacaq aşağı mərtəbələrin açılmasından ötrü əlavə işlərin görülməsi qalır. Lakin möminlər yuxarı mərtəbələrdə namaz qıla bilərlər. "Görünüşünə görə məscidə oxşamırdı, amma indi ərazimiz üçün yaxşı görməli bir məkandır"- deyə yerli sakin Adnan Ardıç jurnalistlərə açıqlamasında bildirib.