ABŞ Konqresinin Nümayəndələr Palatası yeddinci turda da spiker seçə bilməyib

ABŞ Konqresinin Nümayəndələr Palatasının üzvləri yeddinci turda da spiker seçə bilməyiblər.

Qazet.az xəbər verir ki, səsvermə “C-SPAN” telekanalında canlı yayımlanıb.

Bildirilib ki, noyabrda keçirilən Konqres seçkilərində Respublikaçılar Partiyası aşağı palata üzərində nəzarəti ələ keçirib.

Bununla belə, Nümayəndələr Palatasındakı respublikaçıların lideri Kevin Makkarti ABŞ dövlət iyerarxiyasında üçüncü ən mühüm olan spiker postuna seçilmək üçün lazım olan 218 səsi hələ də toplaya bilməyib.

Ötən gün keçirilən səsvermənin yeddinci turunda Makkarti 201 səs toplayıb.

O, çərşənbə günü altıncı turun nəticələrinə görə eyni sayda səs toplayıb.

Qeyd olunub ki, səkkizinci turun keçiriləcəyi gözlənilir.