ABŞ Marqarita Simonyana qarşı sanksiyalar hazırlayır

ABŞ 35 rusiyalıya sanksiyalar hazırlayır

Daha əvvəl bildirildiyi kimi, ABŞ Nümayəndələr Palatasının Tənzimləmə Komitəsi növbəti maliyyə ili üçün müdafiə büdcəsinə edilən düzəlişi təsdiqləyib və bu, Vaşinqton administrasiyasının oktyabrın 1-dən başlayaraq, rusiyalı nazirlər də daxil olmaqla 35 rusiyalıya qarşı sanksiya tətbiq etmə ehtimalını nəzərdən keçirməyə bir işarədir.

Qazet.az xəbər verir ki, bu haqda informasiyanı Rusiya mətbuatı yayıb.

Mənbə yazır ki, həmin şəxslər arasında rusiyalı iş adamları, ictimai xadimlər və jurnalistlər də var.

Siyahıda RT kanalının baş redaktoru Margarita Simonyanın, jurnalist Vladimir Solovyovun, Birinci Kanalın baş direktoru Konstantin Ernstin də adı çəkilir. /Bizim.media