ABŞ noyabrdan ölkəyə gələnlərə bu tələbi qoyacaq

“ABŞ-a gələn təyyarəyə minməzdən əvvəl tam vaksin arayışı təqdim olunmalıdır"

ABŞ hökuməti noyabrın əvvəlindən başlayaraq ölkəyə gələn xarici vətəndaşlardan tam vaksin arayışı və səfərdən azı 3 gün əvvəl verilmiş COVID-19-la bağlı mənfi test cavabı tələb edəcək.

“Qazet.az” CNBC-yə istinadən xəbər verir ki, bu barədə jurnalistlərə brifinq zamanı Ağ Evin koordinatoru Ceff Zints bildirib.

“ABŞ-a gələn təyyarəyə minməzdən əvvəl tam vaksin arayışı təqdim olunmalıdır. Arayışı təqdim edən sərnişinlər ABŞ-da karantinə alınmayacaqlar. Xaricdən gələn, peyvənd olunmayan amerikalılar isə səfərdən əvvəl son 24 saat ərzində, həmçinin ABŞ-a çatdıqdan sonra COVID-19 testi verməlidirlər”, - deyə Ağ Ev nümayəndəsi qeyd edib.