ABŞ Ukraynaya zirehli texnikalar göndərəcək

ABŞ-ın Ukrayna üçün yeni hərbi yardım paketinə 50-yə yaxın "Bradley" döyüş maşını daxil olacaq.

Qazet.az xəbər verir ki, bu barədə "Reuters" agentliyi öz mənbələrinə istinadən məlumat yayıb. 

Rəsmilərdən biri paketin təxminən 2,8 milyard dollar dəyərində olacağını bildirib. Ukrayna üçün son təhlükəsizlik paketinin cümə günü açıqlanması gözlənilir.

"BAE Systems" şirkəti tərəfindən istehsal olunan zirehli maşın 1980-ci illərin ortalarından bəri ABŞ ordusu tərəfindən istifadə olunur.