AFFA yoldaşlıq oyunu keçirəcək

AFFA-nın təsis olunmasının 30 illiyinə həsr edilmiş yoldaşlıq görüşü keçiriləcək.

Milli assosiasiyadan Qazet.az-a verilən məlumata görə, dekabrın 6-da "Dalğa Arena"da baş tutacaq qarşılaşma saat 15:00-da başlayacaq.

Oyunda AFFA-nın, Peşəkar Futbol Liqasının əməkdaşlarından və Azərbaycan millisinin məşqçilərindən ibarət komanda ilə Premyer Liqada çıxış edən klubların əməkdaşlarından və həmin komandalarda çalışan məşqçilərdən təşkil olunmuş kollektiv qarşılaşacaq.