"AGBank", "Dəmir Bank" və "Zamin Bank"ın əmlakları hərraca çıxarılır
Bankların ləğvedicisi - Azərbaycan Əmanətlərin Sığortalanması Fondu (ADIF) məlumat yayıb
!["AGBank", "Dəmir Bank" və "Zamin Bank"ın əmlakları hərraca çıxarılır](https://qazet.az/resized/fit900x500/center/pages/53299/73c749c6-9c33-46f3-aa7e-92cc1b930f59.jpeg)
Fevralın 16-da "Bakı Hərrac Mərkəzi" MMC-də ləğv prosesində olan "AGBank" ASC-nin, fevralın 23-də isə "Dəmir Bank" və "Zamin Bank" ASC-lərin daşınmaz əmlaklarının satışı üzrə açıq hərraclar keçiriləcək.
Qazet.az xəbər verir ki, bu barədə bankların ləğvedicisi - Azərbaycan Əmanətlərin Sığortalanması Fondu (ADIF) məlumat yayıb.
Məlumata görə, söhbət "AGBank"a məxsus, Bakı şəhəri, Binəqədi rayonu, Məhəmməd Əmin Rəsulzadə qəsəbəsi, Zahid Qəmbərov küçəsindəki 220,3 kv.m-lik və "Dəmir Bank"a məxsus Bakı şəhəri, Yasamal rayonu, Zahid Xəlilov küçəsindəki 91 kv.m-lik fərdi yaşayış evlərindən, "Zamin Bank"a məxsus Sumqayıt şəhəri, 17-ci məhəllədəki 220,5 kv.m-lik qeyri-yaşayış sahəsindən gedir. Əmlaklara müvafiq olaraq 210 min manat, 121 min manat və 320 min manat qiymət qoyulub.