Aİ Rusiyanın müttəfiqlərinə qarşı sanksiyalar hazırlayır

Avropa İttifaqı Rusiya və ona sanksiyalardan yayınmağa kömək edən üçüncü ölkələrin insanları və şirkətləri üçün yeni sanksiyalar hazırlayır.

Qazet.az xəbər verir ki, bu barədə "Bloomberg" məlumat yayıb. 

Nəşrin fikrincə, yeni sanksiyalar Avropaya Moskvaya artıq qəbul edilmiş məhdudiyyətlərdən yan keçməyə kömək edənləri məhdudlaşdırmağa imkan verəcək.

Bundan başqa, mənşə ölkəsini gizlətməklə qadağan olunmuş Rusiya mallarını üçüncü ölkə vasitəsilə Aİ-yə idxal edən və ya qadağan olunmuş malları Moskvaya ixrac edənlərə də sanksiyalar tətbiq oluna bilər. Avropa İttifaqının vətəndaşları da sanksiyalara məruz qala bilər.

Yeni paketin ayrıca bəndi sanksiya tətbiq edilən aktivlərin həbsinə imkan verən sanksiyalar ola bilər. Hal-hazırda buna icazə verən heç bir qayda yoxdur. 

Komissiya ayrıca bir addım olaraq, sanksiya tətbiq edilən aktivlərə həbs qoyulmasına imkan verəcək qanunvericilik üzərində işləyir. Mövcud qaydalar müəyyən edir ki, aktivlərin müsadirə edilməsinin hüquqi imkanı Ukraynanın yenidən qurulması üçün sanksiyaya məruz qalan aktivlərin istifadəsinə qapı aça bilər.