Ali Məhkəmə Akif Çovdarovla bağlı qərarı elan etdi

Gündəm 19:45 22 dek, 2021

General-mayor Akif Çovdarovun kassasiya şikayəti üzrə məhkəmə iclası başa çatıb

Ali Məhkəmə <span style="color:red">Akif Çovdarovla bağlı qərarı elan etdi</span>

Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun kassasiya şikayəti üzrə məhkəmə iclası başa çatıb.

Qazet.az xəbər verir ki, hakim Əziz Seyidovun sədrliyi ilə keçirilən prosesdə qərar elan edilib.

Qərara əsasən, kassasiya şikayəti qismən təmin olunub və iş yenidən baxılması üçün Bakı Apellyasiya Məhkəməsinə göndərilib.

Xatırladaq ki, A.Çovdarov barəsində olan məhkəmə hökmü ilə bağlı ona bəraət verilməsi və müsadirə edilən əmlaklarının geri qaytarılması üçün Ali Məhkəməyə müraciət edib.

Qeyd edək ki, A.Çovdarov 2015-ci ildə həbs edilib. O, Bakı Hərbi Məhkəməsinin hökmü ilə 12 il azadlıqdan məhrum olunmuşdu.

O, Prezident İlham Əliyevin aprelin 6-da "Məhkum edilmiş bir sıra şəxslərin əfv olunması haqqında" sərəncamla əfv olunub.