Almaniya səfiri G7-yə sədrliyi yaponiyalı həmkarına təhvil verdi

Almaniyanın G7-də sədrliyinin başa çatması ilə əlaqədar Almaniyanın Ukraynadakı səfiri Anka Feldhuzen simvolik gürzü Yaponiya səfirinə təhvil verib.

Yaponiya səfiri gələn il qrupa rəhbərlik edəcək.

Qazet.az xəbər verir ki, bu barədə Feldhuzen öz “Twitter” səhifəsində məlumat verib.

O, Yaponiya səfiri Masuda Kuninori ilə fotosunu yerləşdirib. Kuninori gələn il Ukraynada islahatları dəstəkləyən G7 səfirlər qrupuna Yaponiya adından sədrlik edəcək.

“İşıqsız, susuz, amma Rusiyasız: Ukraynada islahatları dəstəkləyən G7 səfirlər qrupuna sədrliyi yapon həmkarıma təhvil vermək xoş idi”, - deyə Feldhuzen bildirib.

Səfirlərin görüşü Rusiya Federasiyasının yeni kütləvi raket hücumu günü baş tutub. Bu hücum paytaxtda elektrik enerjisi və su təchizatında fasilələrə səbəb olub.

Feldhuzen əlavə edib ki, bu il qrupa rəhbərlik etmək onun üçün şərəf idi.

Matsuda Kuninori 2023-cü il yanvarın 1-dən Kiyevdə G7 səfirlər qrupuna sədrlik etməyə başlayacaq.

Without light, without water, but without Russia: it was a pleasure to hand over the presidency of the @G7AmbReformUA support group today to my Japanese colleague. And it has been an honor to lead the group this year. #StandWithUkraine @G7 pic.twitter.com/cS7b6OuEzO

— Anka Feldhusen (@AnkaFeldhusen) December 16, 2022