Amerikalı nazir qiymət artımından danışdı

"Düşünürəm ki, inflyasiyanı aşağı salmaq istəyiriksə, edə biləcəyimiz ən vacib şey pandemiya ilə mübarizədə uğurlara nail olmaqda davam etməkdir"

ABŞ-da qiymət artımlarının qarşısını almaq üçün əsas şərt koronavirus pandemiyasına qarşı uğurlu mübarizədir.

Qazet.az xəbər verir ki, bu barədə ABŞ-ın maliyyə naziri Canet Yellen deyib.

Onun sözlərinə görə, pandemiya iqtisadiyyatdakı vəziyyəti inflyasiya baxımından müəyyən edir:

"Düşünürəm ki, inflyasiyanı aşağı salmaq istəyiriksə, edə biləcəyimiz ən vacib şey pandemiya ilə mübarizədə uğurlara nail olmaqda davam etməkdir".