Apple AirPods və Beats istehsalını Hindistana köçürür

Apple şirkəti təchizatçılardan AirPods və Beats qulaqlıqlarının istehsalını Hindistana köçürmələrini xahiş edir. 

Qazet.az xəbər verir ki, bu  barədə "Nikkei" məlumat yayıb.

Qeyd olunur ki, Apple iPhone istehsalının bir hissəsini Çindən Hindistana köçürməyə hələ 2020-ci ildə başlayıb. İndi şirkət eyni şeyi AirPods və Beats qulaqlıqları üçün planlaşdırır. Apple artıq Çin tədarükçüsü Luxshare Precision Industry-dən 2023-cü ilin mart ayının sonunadək ixracı ikiqat artırmaq məqsədi ilə istehsalın bir hissəsini Hindistana köçürməyi xahiş edib.

Bu addım, ölkənin tez-tez bağlanması və Vaşinqton və Pekin arasındakı gərginlik nəticəsində yaranan tədarük zəncirinin pozulması riskini aradan qaldırmaq üçün Apple-ın Çindən asılılığını tədricən azaltmaq planının bir hissəsidir.