Yaşıl, xüsusilə də “nanə yaşıl” stilistlərin və dizaynerlərin ən sevimli rənglərindən biri olaraq qalmağa davam edir.

Bu rəng canlı və parlaqdır, enerji yayır. 

Nanə yaşıl bir yay paltarı yaratmaq üçün uyğundur və ümumi görünüş üçün mükəmməldir.

Dünyanın bir sıra populyar moda dizaynerləri və şirkətləri 2021-ci ilin yaz-yay kolleksiyası üçün məhz bu rəngə üstün verirlər.

Məşhur amerikalı moda dizayneri Brendon Maksvell yeni və romantik bir görünüş üçün açıq mavi ilə birlikdə nanə yaşıl rəngli geniş ətək təklif edir. 

Livanlı dizayner Eli Saab 2021-ci ilin yaz-yay kolleksiyası üçün nadir gözəllikdə incə nanə yaşıl paltarları təqdim edib. 

İtaliyanın “Bottega Veneta” şirkəti eyni çalarda sandal və çanta ilə birlikdə yüngül gödəkçə və ətək təklif edib.

“AZ Factory” dəbli və şux təzadlar yaratmaq üçün nanə yaşılı fuşya (çəhrayımtıl -red.) kimi rənglərlə birlikdə istifadə edib.

“Cinq à Sept” brendi isə nanə yaşıl parça kəmərlə iri çiyinlər bağlanan nanə rəngli yumşaq tərzdə bir paltar təqdim edib.