Bakı 12˚C Sunny

Abşeronda ağır qəza: polislər qəzaya düşdü - FOTO

Hadisə 11:33 20 yan, 2022

Faktla bağlı araşdırma aparılır

Abşeronda ağır qəza:<span style="color:red"> polislər qəzaya düşdü</span><span style="color:red"> - FOTO</span>

Abşeronun Masazır qəsəbəsində ağır yol qəzası baş verib.

Qazet.az xəbər verir ki, hadisə Əliağa Vahid küçəsində qeydə alınıb. Rza Məmmədov idarə etdiyi “Toyota” markalı avtomobillə yüksək sürətlə hərəkətdə olub. O, sükana nəzarəti itirərək nəqliyyat vasitəsini əvvəlcə rabitə qovşağına, daha sonra işıqfora çırpıb. İşıqfor və rabitə qovşağı sıradan çıxaraq yararsız hala düşüb.

İdarəetmədən çıxan avtomobil isə aşıb. Qəza nəticəsində sürücü R.Məmmədov və sərnişin Elmir Həsənli ağır xəsarət alaraq avtomobilin salonunda sıxışıb qalıb. Əraziyə gələn FHN-in Xüsusi Riskli Xilasetmə Xidmətinin əməkdaşları hər iki yaralını xüsusi texnika ilə salondan çıxararaq Təcili Tibbi Yardım Xidmətinə təhvil verib.Məlum olub ki, R.Məmmədovun çiyni sınıb, sərnişində isə aldığı zərbələrdən daxili qanaxma olub.

Faktla bağlı araşdırma aparılır.

Qeyd edək ki, R.Məmmədov və E.Həsənli polis serjantlarıdır. Hər ikisi Abşeron Rayon Polis İdarəsinin Post Patrul Xidmətinin əməkdaşlarıdır.