APPLE iPod istehsalını dayandırır
Lifestyle10:5311 may, 2022

APPLE saytında məlumat yayılıb

APPLE iPod istehsalını dayandırır
Bizi-da oxuyun

Amerikanın Apple korporasiyası iPod musiqi pleyerinin buraxılışını dayandırdığını elan edib. Bu barədə Apple saytında məlumat verilib.

“20 ildən çox əvvəl təqdim edilən iPod, musiqilərini yolda özləri ilə aparmaq imkanı ilə bütün dünyada istifadəçiləri valeh etdi. Bu gün bu imkan bütün Apple məhsul xəttinə inteqrasiya olunub. “Apple Music” proqramı vasitəsilə istifadəçilər 90 milyondan çox mahnı və 30 000 pleylistə çıxış əldə edir”, - deyə məlumatda qeyd olunub.

Şirkət vurğulayır ki, iPod yarandığı gündən musiqini yüz milyonlarla insan üçün əlçatan edib və musiqinin dinlənilməsi və yayılması üsulunu dəyişdirərək musiqi sənayesinə təsir edib.

“iPod-un ruhu yaşayacaq. iPhone-lardan tutmuş Apple qol saatlarına, Mac noutbuklarına, iPad-lərə və Apple TV video cihazlarına qədər biz onu sahib olduğumuz hər bir cihazda quraşdırmışıq”, - deyə Apple-ın qlobal marketinq üzrə baş vitse-prezidenti Greg Joswiak bildirib.

Fikriniz