Avropada qazın qiyməti yenidən aşağı düşüb

Avropada qazın qiyməti 1000 dollar ətrafında qərarlaşıb

Avropadakı noyabr qaz fyuçerslərinin qiyməti bugünkü ticarət sessiyasının sonunda 6 % düşərək min kubmetr üçün 1 050 ABŞ dolları olub.

Qazet.az xəbər verir ki, bunu ICE Futures üzrə ticarət məlumatları göstərir.

Noyabr qaz fyuçerslərinin qiyməti TTF indeksinə görə ticarətin açılışında min kubmetr üçün 1 130 ABŞ dolları olub.

Qeyd edək ki, fyuçerslərin dinamikası birjada əvvəlki ticarət gününün hesablaşma qiyməti ilə ölçülür.

Avropada qazın qiyməti son aylarda kəskin artıb. Oktyabrın 6-da isə min kubmetr üçün tarixi maksimuma - 1 937 ABŞ dollarına çatıb.

Mənbə