Bakı 10˚C Sunny

"Azərbaycan dünyada güclü idman ölkəsi kimi tanınır" - Prezident

Gündəm 17:05 09 avq, 2022

Bunu Prezident İlham Əliyev Türkiyənin Konya şəhərində keçirilən V İslam Həmrəyliyi Oyunlarında ölkəmizi təmsil edən idmançılarla görüşündə deyib

"Azərbaycan dünyada güclü idman ölkəsi kimi tanınır" - Prezident

"Hər dəfə mötəbər beynəlxalq yarışlar ərəfəsində idmançılarla görüşüb onlarla söhbətləşirəm. Bu dəfə də istisna deyil. Bu dəfə V İslam Həmrəyliyi Oyunlarında siz Azərbaycanı təmsil edəcəksiniz. Əminəm ki, ləyaqətlə təmsil edəcəksiniz. Çünki bizim idmançılar artıq bütün beynəlxalq yarışlarda öz gücünü təsdiqləmişlər".

Qazet.az xəbər verir ki, bunu Prezident İlham Əliyev Türkiyənin Konya şəhərində keçirilən V İslam Həmrəyliyi Oyunlarında ölkəmizi təmsil edən idmançılarla görüşündə deyib.

Dövlətimizin başçısı deyib: “Azərbaycan bu gün dünyada güclü idman ölkəsi kimi tanınır və bizim qələbələrimiz həm Olimpiya Oyunlarında, həm də dünya, Avropa çempionatlarında artıq adi hala çevrilib. Azərbaycan azarkeşləri də bir növ buna öyrəşiblər. Əminəm ki, idmançılarımız bu dəfə də gözəl nəticə göstərəcəklər”.

Komandamızın artıq birinci qızıl medalı qazandığını diqqətə çatdıran Prezidenti İlham Əliyev bu münasibətlə komandanı təbrik edərək bildirib: “Əminəm ki, bu gözəl nəticə digər idmançılar üçün də gözəl bir stimul olacaq”.