Bakıda xəstəxanada saxta vaksin sənədi ilə bağlı cinayət işi açılıb
Hadisə11:1728 sentyabr, 2021

Cinayət işi üzrə intensiv istintaq hərəkətləri davam etdirilir

Bakıda xəstəxanada saxta vaksin sənədi ilə bağlı cinayət işi açılıb
Bizi-da oxuyun

Bakıda saxta vaksin sənədi ilə bağlı cinayət işi açılıb.

Bu barədə Qazet.az-a Xəzər Rayon Prokurorluğundan məlumat verilib.

Belə ki, paytaxtın Xəzər rayonu Binə Qəsəbəsində yerləşən 29 saylı Birləşmiş Şəhər Xəstəxanasında keçirilən vaksinasiya prosesi zamanı yol verilən qanunsuzluqlar barədə daxil olan material əsasında rayon prokurorluğunda araşdırma aparılıb.

Araşdırma ilə Elnur Əliyev, qeyd edilən xəstəxanada tibb bacısı işləyən Əsmər Hüseynova, Firəngiz Nəhmətova, Sevər Dadaşzadə, Ülkər Abasova və Sara Allahverdiyeva tərəfindən pul müqabilində vətəndaşlara vaksin vurulmadan “COVID-19 vaksinasiyası üzrə məlumat forması”nın verilməsinə əsaslı şübhələr müəyyən edilib.

Faktla bağlı Xəzər Rayon Prokurorluğunda Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanıb.

Hazırda cinayət işi üzrə intensiv istintaq hərəkətləri davam etdirilir.

Fikriniz