“Bloomberg”: “Shell” Rusiyadan enerji resursları alır”

Shell hələ də Rusiyadan ”qara qızıl” alır

İngiltərə-Niderland birgə müəssisəsi olan “Shell Plc” şirkəti Rusiya neftindən imtina etməsi haqqında bəyanatına baxmayaraq, məhsulların qarışdırılması sxemindən istifadə edərək Rusiyadan “qara qızıl” alışını davam etdirir.

Qazet.az xəbər verir ki, bu barədə “Bloomberg” agentliyinin materialında deyilir.

Bildirilir ki, bu sxemin mahiyyəti alınan neft çəlləyinin içində 49,99%-i Rusiyada, 50,01%-i başqa ölkələrdə hasil edilmiş neftin olmasıdır. “Shell” hesab edir ki, bu halda yük texniki olaraq Rusiya mənşəli hesab olunmur.

Bu sxem, bir cür bəyanat verib, başqa cür hərəkət edən şirkətlər üçün əlverişli alətə çevrilib.

“Shell” şirkətinin bu sxemə şərait yaratmaq üçün müqavilələrinin ümumi müddəalarına dəyişiklik etdiyi deyilir.