BMT-dən Azərbaycanla Ermənistana - Təklif
Hərbi22:1327 noyabr, 2021

“BMT bu cür səyləri, o cümlədən, humanitar yardım göstərmək, yenidənqurma və bölgədə sülhün bərqərar edilməsinə kömək göstərməklə dəstəkləməyə hazırdır”.

BMT-dən Azərbaycanla Ermənistana - Təklif
Bizi-da oxuyun

BMT-nin Baş katibi Antonio Quterreş Rusiya, Azərbaycan və Ermənistanın üçtərəfli sammitinin keçirilməsini alqışlayıb.

“Qazet.az” xəbər verir ki, bunu şənbə günü Quterreşin rəsmi nümayəndəsinin müavini Fərhan Haq deyib.

“BMT-nin Baş katibi noyabrın 26-da Ermənistanın Baş naziri Nikol Paşinyan, Azərbaycan Prezidenti İlham Əliyev və Rusiya Federasiyasının Prezidenti Vladimir Putin arasında üçtərəfli görüşü yüksək qiymətləndirir. Quterreş Azərbaycan və Ermənistanı bütün mövcud formatlardan, o cümlədən, Avropa Təhlükəsizlik və Əməkdaşlıq Təşkilatının (ATƏT) Minsk Qrupundan istifadə etməklə qalan məsələləri həll etməyə çağırır”, - Haq bildirib.

Fərhan Haq əlavə edib ki, Baş katib davamlı sülhün yalnız dialoq yolu ilə əldə oluna biləcəyi ilə bağlı BMT-nin mövqeyini təsdiqləyir və tərəfləri qalan məsələləri bütün mövcud formatlar, o cümlədən, ATƏT-in Minsk Qrupu həmsədrlərinin himayəsi altında həll etməyə çağırır:

“BMT bu cür səyləri, o cümlədən, humanitar yardım göstərmək, yenidənqurma və bölgədə sülhün bərqərar edilməsinə kömək göstərməklə dəstəkləməyə hazırdır”.

Fikriniz