“Əfqanıstandakı son hadisələr Aİ-nin zəifliyini bir daha göstərdi” - Ali Komissar

Aİ-nin Ali Komissarı Əfqanıstan problemindən danışdı

Avropa İttifaqının Xarici İşlər və Təhlükəsizlik üzrə Ali Komissarı Jozef Borrel “Le Monde” qəzetinə maraqlı açıqlamalar verib.

Qazet.az TRT-yə istinadən xəbər verir ki, o, Əfqanıstanda baş verən son hadisələrin Aİ-nin zəifliyini bir daha göstərdiyini bəyan edib.

“ABŞ-ın çətiri altında ticari və iqtisadi inteqrasiya ilə sabitləşən bir dünya ideyasını dəstəklədik. Amma xüsusilə də 11 sentyabr 2001-ci ildən sonra yeni təhdidlər meydana gəldi. Çin, Rusiya və Türkiyədə tarixi gerçəkliklərə dayanaraq, hətta yenidən kəşf edilərək keçmiş imperiyalar yenidən dirçəldi”, - deyə Ali Komissar bildirib.

Aİ rəsmisi köhnə qitə ölkələrinin ortaq ordu yaratmaq ideyasına da toxunub. O, güclü Avropanın ABŞ-ın maraqlarına uyğun olduğunu qeyd edib.