Alimlərdən şad xəbər: İnfarkt üçün ilk müalicə hazırlanıb
Səhiyyə / sağlamlıq12:1523 iyun, 2022

Ürək xəstəliyi hazırda dünyada ölüm hallarının əsas səbəbidir

Alimlərdən şad xəbər: İnfarkt üçün ilk müalicə hazırlanıb
Bizi-da oxuyun

Böyük Britaniya alimləri infarkt və ürək dayanması kimi hallardan sonra ürəyin zədələnmiş hüceyrələrini bərpa etməyin yolunu tapıblar.

Qazet.az xəbər verir ki, alimlər  infarktdan  sonra ürək əzələ hüceyrələrini təmir edə və bərpa edə bilən yeni texnika inkişaf etdiriblər. Onlar bunun sayəsində milyonlarla infarkt hadisəsinin qarşısı alına biləcəyi qeyd ediblər.

London Kral Kollecinin alimləri “m-RNA” texnologiyasının infarkt və ürək dayanması nəticəsində zədələnmiş ürək hüceyrələrini bərpa etmək üçün istifadə oluna biləcəyini açıqlayıb. O, milyonlarla insanın həyatını xilas edən koronovirus peyvəndlərində də istifadə edilən “m-RNT”nin sağlam ürək hüceyrələrinin istehsalında istifadə oluna biləcəyini tapıb.

Aparıcı tədqiqatçı professor Mauro Giacca bildirib ki,  “Hamımız ürəyimizdə müəyyən sayda əzələ hüceyrəsi ilə doğulmuşuq və bunlar ömür boyu bizimlə olan hüceyrələrdir. Ürək zədələndikdən sonra ürəyin özünü bərpa etmək qabiliyyəti yoxdur. Məqsədimiz sağ qalan hüceyrələri çoxalmağa inandıra biləcək bir müalicə tapmaqdır. Zədələnmiş insan ürəyini bərpa etmək bir neçə il əvvəl xəyal idi, amma indi reallığa çevrilə bilər”.

Alimlər ürəkdəki hüceyrələri bərpa etməklə yanaşı, infarkt zamanı hüceyrələrin ölməsini dayandırmaq üçün müalicə üzərində də çalışdıqlarını bildiriblər. Onlar hesab edirlər ki, yeni RNT (ribonuklein turşusu) terapiyası ürək-damar xəstəliklərində inqilab yarada bilər və milyonlarla infarktın ürək çatışmazlığına çevrilməsinin qarşısını ala bilər.

Aparılan araşdırmalara görə, ürək xəstəliyi hazırda dünyada ölüm hallarının əsas səbəbidir. Bu, bütün ölümlərin təxminən dörddə birini təşkil edir.

Fikriniz