Bakı 9˚C Sunny

Ətin qiyməti bahalaşdı: qiymətlər... - VİDEO

Biznes 01:15 16 yan, 2022

 Alıcılar deyirlər ki, son vaxtlar ət xeyli bahalaşıb və bu fərq bəzi hallarda dörd manata çatır

Ətin qiyməti bahalaşdı: qiymətlər... - VİDEO

Ətin qiymətindəki bahalaşmadan həm satanlar, həm də alanlar narazıdırlar.

Qazet.az "Xəzər Xəbər"ə istinadla xəbər verir ki, Tovuzun mərkəzi ticarət mərkəzindəki ət satışı bölməsində satışa çıxarılan iri və xırdabuynuzlu heyvan ətlərinin satış qiymətində artım var. Alıcılar deyirlər ki, son vaxtlar ət xeyli bahalaşıb və bu fərq bəzi hallarda dörd manata çatır.

Satıcılar qiymət artımını fərqli səbəblərlə izah edirlər. Onların sözlərinə görə, heyvan yemindəki qiymət artımı fermerlərə təsir etdiyi üçün onlar da heyvanları baha satırlar.

Bərdədə də quzu ətində bahalaşma qeydə alınıb. Satıcıların sözlərinə görə, əvvəllər 12 manata satılan quzu əti indi üç manata qədər bahalaşıb.

Bərdədə mal ətində isə qiymət artımı yoxdur. Rayonda mal ərinin qiyməti 9-10 manat arasında dəyişir. Ancaq satıcılar bazarda heyvanın diri çəkisinin bahalaşdığını deyirlər.

Qeyd edək ki, bölgələrdə ət satışındakı qiymət artımı yanvar ayından müşahidə olunur.