İntihar edən məktəbli qızı xilas etməyə çalışarkən ağır yaralanan 37 yaşlı Zahid Niyazov müalicə aldığı Mərkəzi Gömrük Hospitalından evə buraxılıb.
 

Qazet.az Bakupost-a istinadən xəbər verir ki, o, dünən həkimlərin rəyi ilə evə yazılıb, vəziyyəti qənaətbəxşdir. Bundan sonrakı müalicəsi ambulator aparılacaq.

Qeyd edək ki, mayın 3-də paytaxtın Xətai rayonu, Qədir Məmmədov küçəsində 11-ci sinif şagirdi, 2005-ci il təvəllüdlü Xumar Babayeva özünü binadan ataraq intihar edib. Hadisə zamanı aşağıda dayanmış 1984-cü il təvəllüdlü Zahid Niyazov onu xilas etməyə çalışıb.

Z. Niyazov ağır durumda hospitala çatdırılıb, onun üzərində 2 böyük əməliyyat aparılıb.