İran sərhədçiləri Azərbaycan vətəndaşını GÜLLƏLƏDİ

Cəmiyyət 14:43 19 may, 2022

İİR tərəfinə müvafiq sorğu göndərilib

İran sərhədçiləri Azərbaycan vətəndaşını <span style="color:red">GÜLLƏLƏDİ</span>

May ayının 16-da İran İslam Respublikasının sərhəd nümayəndəliyi xətti ilə Azərbaycan Respublikasının vətəndaşı Musayev Mircavad Mircəlal oğlunun İrandan Azərbaycan istiqamətində dövlət sərhədini pozmağa cəhd edərkən İİR sərhədçiləri tərəfindən silahın tətbiqi nəticəsində həyatını itirməsi barədə məlumat daxil olub.

Qazet.az xəbər verir ki, DSX-dan APA-nın sorğusuna cavab olaraq bildirilib ki, mayın 18-də mərhumun cənazəsi prokurorluq orqanlarının nümayəndəsinin iştirakı ilə rəsmi qaydada qəbul edilərək ailə üzvlərinə təhvil verilib.

Baş vermiş hadisənin araşdırılması və nəticələri barədə məlumat verilməsinə dair İİR tərəfinə müvafiq sorğu göndərilib.