Keçmiş “Sovetski” küçəsi  nümunəvi yaşayış məhəlləsinə çevriləcək
Cəmiyyət21:0823 may, 2022

Layihə çərçivəsində 24 hündürmərtəbəli yaşayış kompleksi və 8 azmərtəbəli bina tikiləcək

Keçmiş “Sovetski” küçəsi  nümunəvi yaşayış məhəlləsinə çevriləcək
Bizi-da oxuyun

Bakının Yasamal rayonu, Mərkəzi Parkın yaxınlığında, əvvəllər “Sovetski” kimi tanınan ərazidə yeni elit binalar kompleksinin tikintisi planlaşdırılır.

Bu barədə Fed.az məlumat yayıb.

Məlumata görə, tikinti işləri geniş ərazini - şərqdə Şıxəli Qurbanov küçəsindən (Nizami metrosu) qərbdə Abdulla Şaiq küçəsinə qədər, cənubda Süleyman Rəhimov küçəsindən şimalda Fuad İbrahimbəyov küçəsinə qədər olan ərazini əhatə edəcək.

Ümumi tikinti sahəsi 606 min kvadratmetr olacaq. Layihəni adı açıqlanmayan özəl şirkətlərdən biri həyata keçirəcək. Layihə çərçivəsində on minlərlə “Sovetski” sakininin köçürülməsi və məskunlaşdırılması planlaşdırılır.

Layihə çərçivəsində 24 hündürmərtəbəli yaşayış kompleksi və 8 azmərtəbəli bina tikiləcək.

Caliber.Az bu möhtəşəm layihəyə münasibət bildirmək xahişi ilə Dövlət Şəhərsalma və Arxitektura Komitəsinin mətbuat xidmətinin rəhbəri Ramiz İdrisoğluna müraciət edib.

O, bildirib ki, bu layihəni həyata keçirmək niyyətilə bağlı Dövlət Komitəsinə heç bir rəsmi müraciət daxil olmayıb.

Həmçinin, məlum olub ki, hazırda təqdim olunan layihə köhnə “Sovetski”nin yeniqurulması ilə bağlı özəl tikinti şirkəti tərəfindən hazırlanmış konsepsiyadır və dövlət qurumlarında layihənin maliyyələşdirilməsi və təsdiqi məsələləri həll olunana qədər onun həyata keçirilməsindən danışmaq hələ tezdir.

Fikriniz