“Maersk” şirkətinin yeni marşrutu Azərbaycandan keçəcək

Rumıniyadan yük dəmir yolu ilə Avropa ölkələrindən keçməklə müxtəlif məntəqələrə çatdırılır

Danimarkanın “Maersk” logistika şirkəti Asiyanı Mərkəzi Asiya vasitəsilə Avropaya birləşdirən və Azərbaycandan keçən yeni dəmiryol-dəniz marşrutu hazırlayıb.

Qazet.az bu barədə şirkətin mətbuat xidmətinə istinadən məlumat verir.

Qeyd olunur ki, “Maersk” bu marşrutun hazırlıqlarına mart ayında başlayıb və ilk reys aprel ayında Çindən yola düşüb.

Konteynerlər Çinlə Qazaxıstan sərhədindəki Horqos yaşayış məntəqəsini keçdikdən sonra dəmir yolu ilə Aktau stansiyasına, daha sonra dəniz yolu ilə Azərbaycana çatdırılır. Buradan konteynerlər Gürcüstanın Poti limanına və fider gəmisi ilə Konstansaya (Rumıniya) yola salınır. Rumıniyadan yük dəmir yolu ilə Avropa ölkələrindən keçməklə müxtəlif məntəqələrə çatdırılır.