Bakı 10˚C Sunny

Qazın qiyməti qışın sərtliyindən asılı olacaq - PROQNOZ

Biznes 17:56 26 okt, 2021

Qış çox sərt keçərsə, qiymətlər qalxa bilər

Qazın qiyməti qışın sərtliyindən asılı olacaq - <span style="color:red">PROQNOZ</span>

Almaniyanın "Wintershall Dea GmbH" şirkətinin rəhbəri Mario Meren investorlarla telekörpü zamanı deyib ki, sərt qış Avropada təbii qazın qiymətinin daha da artmasına səbəb ola bilər.

Qazet.az xəbər verir ki, “Qış çox sərt keçərsə, qiymətlər qalxa bilər”, - o deyib.

Wintershall Dea, Şimal axını 2-nin işə salınması ilə qaz bazarının sabitləşməsini gözləyir

“Şimal axını 2”nin işə salınmasından sonra əlavə qaz həcmləri Avropaya daxil olarkən yüksək qaz qiymətləri ilə bağlı vəziyyət sabitləşə bilər.

Bunu da Almaniyanın "Wintershall Dea" şirkətinin rəhbəri Mario Meren investorlarla telekörpü zamanı deyib.

“Əlbəttə, “Şimal axını 2” işə düşən kimi və Rusiya qazı Rusiya yataqlarından böyük həcmdə gələ biləcək, bu, qaz bazarında tədarüklə bağlı vəziyyəti sabitləşdirəcək”, - deyə o, müvafiq sualı cavablandırıb.

"İqlim hədəflərinə çatmaq üçün əlavə qaza çox ehtiyac var" - Meren bildirib. “Lakin biz görürük ki, ilin birinci yarısında Norveçdən qaz tədarükü keçən illə müqayisədə azalıb, LNG tədarükü isə əhəmiyyətli dərəcədə azalıb”, - o qeyd edib.

Şirkətin maliyyə direktoru Paul Smith də əlavə edib ki, "Nord Stream 2" qaz qiymətlərinin hərəkətinə təsir edəcək komponentdir”.

“Şimal axını 2”nin tikintisi 2021-ci il sentyabrın 10-da tam başa çatıb. Əvvəlcə onun 2019-cu ilin sonuna qədər başa çatdırılması nəzərdə tutulsa da, ABŞ-ın sanksiyaları səbəbindən təxirə salınıb. Qaz kəməri ümumi ötürmə qabiliyyəti 55 milyard kubmetr olan iki xəttdən ibarətdir. Kəmər Rusiyadan Baltik dənizi ilə Almaniyaya qədər uzanır.

Qaz kəmərinin işə salınması üçün layihənin operatoru Stralsund Mədən İdarəsinə texniki standartlara uyğunluq sertifikatlarını təqdim etməlidir.

Marja xəbər veri ki, Çərşənbə axşamı Londonun ICE birjasında keçirilən hərraclarda Avropada qazın qiyməti 1000 kubmetr üçün təxminən 1090 dollar təşkil edib.

Avropa qaz sənayesindəki böhran, bu payızda, qazın qiyməti sürətlə artmağa başlayandan və 1000 kubmetr üçün təxminən 2000 dollara çatdıqdan sonra kəskinləşib. Qiymətlər təbii qaza təlabatın artması və qaz anbarlarının yarımçıq olması fonunda yüksəlir.

Müşahidəçilərin fikrincə, böhrana səbəb kompleks amillər olub. Onlardan biri Asiyada qaza tələbatının kəskin artması və tədarükün Avropa xaricinə axını ilə bağlıdır. Avropada küləkdən enerji istehsalının azalması vəziyyəti daha da ağırlaşdırıb.

Lakin qaz bazarında yüksək volatilliyin əsas səbəbi qaz anbarlarının aşağı doluluq göstəricisi olub. “Gas Infrastructure Europe”un məlumatına görə, oktyabrın ortalarına olan məlumata görə, Avropanın yeraltı qaz anbarları 71% ilə doludur.

"Wintershall Dea" Avropanın aparıcı müstəqil qaz və neft şirkətlərindən biridir.

Mənbə