Separatçılar Azərbaycan tərəfinə təslim olmaq istəyən döyüşçünü güllələdi - FOTO

Buna səbəb isə öldürülən şəxsin xidmət “yoldaşları” tərəfindən alçaldılması olub

Rusiya sülhməramlılarının müvəqqəti məsuliyyət zonasında güllə yarası alaraq ölən erməni döyüşçü Qor Martirosyan barədə əlavə informasiya ortaya çıxıb.

Qazet.az “Caliber” “Telegram” kanalına istinadən xəbər verir ki, insident Şuşanın Qaybalı kəndi istiqamətində baş verib. Martirosyanla bağlı hadisə baş verənə qədər o, üçüncü şəxs vasitəsilə Azərbaycan tərəfi ilə əlaqə saxlamağa çalışıb. Q.Martirosyanın bizim hüquq-mühafizə orqanlarına təslim olmaq niyyətində olub.

Buna səbəb isə xidmət “yoldaşları” tərəfindən alçaldılması olub. Görünür, onun niyyətindən separatçıların xəbəri olub, çünki zəng açıq əlaqə vasitəsilə həyata keçirilib. Ötən gün təxminən saat 21:20 radələrində avtomat səsləri eşidilib, bundan sonra hadisə yerinə Rusiya sülhməramlıları və təcili tibbi yardım maşınları gedib.

Separatçı cinayətkar rejimin fikrincə, bu cür nümayişkaranə edamlar düşmənçilik ideologiyasından imtina etmək istəyən hər kəs üçün dərs olmalıdır. Təslim olmağa və ya Azərbaycan vətəndaşlığını qəbul etməyə çalışan hər kəs ya zərərsizləşdiriləcək, ya da İzaura Balasanyan və dörd övladı ilə bağlı vəziyyətdə olduğu kimi “MTX-ya veriləcək” (Milli Təhlükəsizlik xidməti).