Sünik bölgəsi Azərbaycanın nəzarətinə keçəcək? - Ermənistan ictimaiyyətinin narahatlığı
Siyasət11:4524 mart, 2021

Bu barədə Ermənistanın müvafiq hökumət orqanlarına müraciət edilsə də, müsbət cavab alınmayıb

title
Bizi-da oxuyun

Ermənistan mətbuatı Rusiyanın vasitəçiliyi ilə Ermənistan və Azərbaycan arasında Sünik (Zəngəzur mahalının yerləşdiyi ərazi - red.) bölgəsindəki yolların müəyyən hissələrinin təhlükəsizliyinə dair razılaşmanın imzalandığını iddia edib.

Qazet.az xəbər verir ki, “Sputnik Armenia” bu barədə Ermənistanın müvafiq hökumət orqanlarına müraciət etsə də, müsbət cavab ala bilməyib.

“2020-ci il 9 noyabr razılaşmasından sonra məlum oldu ki, erməni hərbi qulluqçuları və könüllülərinə Sünik vilayəti ilə həmsərhəd olan Kaşatağ (Laçın ərazisi - red.) bölgəsindən geri çəkilmə əmri verilib. Dekabrın 18-də isə sərhədlərin demarkasiya işlərinin nəyə görə Sovet İmperiyası dövründəki sərhədlər əsasında aparıldığına əsaslı bir izahat verilmədi. Bundan sonra isə baş nazir Nikol Paşinyan açıqlama verərək: ”Azərbaycanla sərhəddə baş verən proseslər demarkasiya kimi qəbul edilə bilməz", - deyə bildirdi.

Qısa müddət sonra Ermənistan Müdafiə Nazirliyi Rusiya sərhədçilərinin Sünik bölgəsinin Azərbaycanla həmsərhəd olan avtomobil yolunun problemli hissələrində təhlükəsizliyi təmin edəcəyini bildirən bir açıqlama verdi. Lakin sənədin imzalanması və ya erməni qoşunlarının əvvəlki mövqelərdən geri çəkilməsinin səbəbləri barədə heç nə deyilmədi.

Nəhayət 2021-ci ilin yanvarın 20-də baş nazirin müavini Tiqran Avinyan sərhəd qoşunlarının yerləşdirilməsinin (demarkasiya nəzərdə tutulmur) və təhlükəsizliyin 1975-1976-cı illərə aid 50 000 miqyaslı xəritəyə əsasən aparıldığını bildirdi. Elə həmin gün Paşinyan 18 dekabr 2020-ci ildə Ermənistan Silahlı Qüvvələrinin əvvəllər azad edilmiş ərazilərdən çıxarılması barədə əmr verdiyini etiraf etdi.

Rusiyanın vasitəçiliyi olmadan heç bir sənədin imzalanmadığını deyən Avinyan sonradan Goris-Davit Bek (Gorus-Zeyvə - red.) yolunda təhlükəsizliyin təmin edilməsi məqsədilə rusiyalı hərbçilərin yerləşdirilməsinə dair razılıq əldə edildiyindən bəhs etdi", - deyə məqalədə qeyd edilib.

 

Sünikdəki yolların təhlükəsizliyi ilə bağlı hansı razılığın əldə edilyini öyrənmək məqsədilə Ermənistanın baş naziri, baş nazirin müavini, Xarici İşlər Nazirliyi, Müdafiə Nazirliyi və digər qurumlara sorğu göndərilsə də, tutarlı cavab verilməyib. 

***

Hazırkı mənzərə onu deməyə əsas verir ki, Qarabağdakı 44 günlük müharibədən sonra Ermənistanda başlayan siyasi böhran getdikcə daha da dərinləşməkdədir. Bütün beynəlxalq norma və prinsiplərə zidd şəkildə başqa dövlətin ərazisini 30 ilə yaxın bir müddətdə işğal altında saxladıqdan sonra gah Rusiyanı, gah da Azərbaycanı günahlandıran parlamentdəki müxalifət fraksiyaları və əhalinin müəyyən qismi mövcud hakimiyyəti “səriştəsizlikdə” və “xalqa xəyanət etməkdə” təqsirləndirməklə Azərbaycan Ordusunun Qarabağda qazandığı zəfərə kölgə salmağa çalışır.

İyunun 20-də ölkədə keçiriləcək növbədənkənar parlament seçkilərindən sonra Ermənistanda hansı siyasi mənzərənin yaranacağı isə regionda sülh və təhlükəsizlik baxımından maraq doğurur.

Fikriniz

  • 1
  • 0
  • 0
  • 0
  • 0
  • 0