Tokayevdən liderlərə çağırış: Xilas edin...
Tokayevdən vacib çağırış
Ural çayını xilas etmək üçün addımlar atılmalıdır. Yoxsa, yaxın gələcəkdə xilas etməyə heç nə qalmayacaq.
Qəzet.az xəbər verir ki, bunu Qazaxıstan Prezidenti Qasım-Jomart Tokayev Aşqabadda Xəzəryanı ölkə başçılarının keçirilən sammitində deyib.
"İndi biz Uralı xilas etmək üçün əlaqələndirilmiş və təsirli tədbirlər görməyə borcluyuq, əks halda yaxın gələcəkdə xilas edəcək heç nə qalmayacaq. Ural çayının vəziyyətilə bağlı bütün tərəfləri qüvvələri birləşdirməyə və təkmilləşdirmə üçün ümumi fəaliyyət planı hazırlamağa çağırırıq”, - Tokayev bildirib.
Qazaxıstan prezidenti Xəzər dənizinin ekoloji problemlərinə toxunub:
“Xəzər suitilərinin acınacaqlı vəziyyətini qeyd etməyə bilmərəm. "Onların vaxtaşırı tələf olması faktları ciddi narahatlıq doğurur. Xəzər suitisi endemikdir və bu dənizin faunasında məməlilərin yeganə nümayəndəsidir”.