“Toshiba” 3 şirkətə ayrılacaq

Bölünmə prosesi 2024-cü ilin martına kimi başa çatacaq

Yaponiyanın elektronika nəhəngi “Toshiba Corporation” 3 fərqli şirkətə ayrılmaq niyyətindədir.

Qazet.az xarici mətbuata istinadən xəbər verir ki, “Infrastructure Service Co.” infrastruktur sistemləri və həllərinə, rəqəmsal həllərə və akkumulyator batareyalarına cavabdeh olacaq.

“Device Co.” güc yarımkeçiriciləri, elektron cihazlar və böyük həcmli sərt disklər, saxlanclar, analoqlu inteqral sxemlər sektorunu inkişaf etdirəcək.

Üçüncü şirkət “Toshiba” “Kioxia Holdings Corporation” (KHC) və “Toshiba Tec Corporation”da pay sahibi olacaq. Bölünmə prosesi 2024-cü ilin martına kimi başa çatacaq.

Xatırladaq ki, 1875-ci ildə Tokioda təsis edilən “Toshiba Corporation” elektronika və yüksək dəqiq elektronikanın, inteqral sxemlərin, sənaye kompüterlərinin, mobil telefonların, LCD-televizorların, liftlərin istehsalında ixtisaslaşıb. Onun ştatı 118 min nəfərdir.