Toyota 7 zavodunda 11 istehsal xəttini dayandıracaq
Bu gündən etibarən Toyota Yaponiyanın Aiçi, İvate və Miyaqi prefekturalarında yerləşən 7 obyektində iyulun 8-dək 11 istehsal xəttini dayandıracaq
Toyota Çindən hissələrin tədarükündə yaranan fasilələrə görə 11 istehsal xəttində istehsalı dayandıracaq.
Qazet.az xəbər verir ki, Çinin Şanxay şəhərində COVID-19 epidemiyasının qarşısını almaq üçün həyata keçirilən məhdudlaşdırıcı tədbirlər Yaponiya şirkətlərinin istehsal imkanlarına təsir göstərib.
Buna görə də, bu gündən etibarən Toyota Yaponiyanın Aiçi, İvate və Miyaqi prefekturalarında yerləşən 7 obyektində iyulun 8-dək 11 istehsal xəttini dayandıracaq. Yapon şirkəti iyunda qlobal istehsalının 750 minə qədər azalacağını təxmin edir.
Toyota, 2023-cü ilin martında başa çatacaq 2022-ci maliyyə ili üçün 9,7 milyon qlobal avtomobil istehsalı hədəfini saxladığını barədə məlumat verib.