“Hazırda xarici turizmdəki rəqəmləri pandemiyadan öncəki dönəmlə müqayisə etdikdə aşağıdır. Amma az da olsa, gələn qonaqlarımız var”.

Bu sözləri Qazet.az-a açıqlamasında Dövlət Turizm Agentliyinin mətbuat katibi Kənan Quluzadə deyib.

“Azərbaycan 60-dan çox ölkə ilə  tərəfdaşlıq edərək hava yolu ilə əlaqələrini bərpa edib. Həmin ölkələrin vətədaşları Azərbaycana hava yolu vasitəsilə səyahət edə bilərlər. Bu da müəyyən şərtlər əsasında həyata keçirlir. Rəqəmlər 2019-cu illə müqayisə etdikdə aşağı olsa da mövsümlə bağlı Rusiya, Türkiyə, İran, Səudiyyə Ərəbistanı, Gürcüstan, Birləşmiş Ərəb Əmirlikləri, Birləşmiş Krallıq kimi ölkələrdən xarici turistlərin gəlişi gözlənilir” - deyə Dövlət Turizm Agentliyinin mətbuat katibi bildirib.

Dönməz Hüseyin