"Mən hələ ki, idman karyeramı bitirməmişəm. Bakıda mənim yarışım olacaq. Aprel ayında keçirilməli idi. Pandemiyaya görə təxirə salındı".

Bu fikirləri Qazet.az-a açıqlamasında məşhur kikboksinq döyüş ustası Zabit Səmədov deyib. Türkiyənin ən reytinqli seriallarından olan “Kuruluş Osman” serialında çəkilən Z.Səmədov idman karyerasını bitirmədiyini bildirib.

"Vaxtı məlum olmasa da Bakıda böyük yarış olacaq. Bakıdakı rəqibim məlum idi. Bu, ingiltərəli Ceyms Maksviniy idi. Apreldə olmalı idi. Bəlkə bu il mayda olacaq. Mart ayında bəlli olacaq. Bu döyüş 2016-cı ilin aprelindəki döyüşlərə həsr ediləcəkdi. Artıq Qarabağımız bizdədir. Yəqin Qarabağa həsr ediləcək. Müharibə vaxtı seriala görə Türkiyədə idim. Oktyabrın 1-i Azərbaycana getdim. Əsgərlərimizlə görüşdüm".