"Avatar" filmindən yeni rekord

"Avatar 2: Suyun Yolu" filmi cəmi 2 həftə ərzində dünya kassalarından 1 milyard dollar gəlir əldə edərək rekord qırıb.

Qazet.az xəbər verir ki, uzun müddət təxirə salınan film tənqidlərə baxmayaraq, tamaşaçılar tərəfindən böyük maraqla qarşılanıb.

Film "Top Gun: Maverick" və "Jurassic World Dominion" filmlərindən sonra bu il 1 milyard dolları keçən üç filmdən biridir.

Filmin rejissoru Ceyms Kemeron bildirib ki, bu film innovativ cəhətdən 2 milyard dollar qazanmalıdır.

Sözügedən ekran əsərinin 2009-cu ildə işıq üzü görən birinci hissəsi 2,97 milyard dollar gəlir əldə etmişdi.