Bakı 9˚C Showers

Avropa çempionatı: Azərbaycanın millisi püşkatmada 2-ci səbətdə yer alacaq

İdman 18:42 05 okt, 2021

Həlledici raund ilk dəfə olaraq 16 komandanın iştirakı ilə keçiriləcək

Avropa çempionatı: Azərbaycanın millisi püşkatmada 2-ci səbətdə yer alacaq

Oktyabrın 18-də gələn il yanvarın 19-dan fevralın 6-dək Niderlandda keçiriləcək futzal üzrə Avropa çempionatının final mərhələsinin püşkü atılacaq.

Qazet.az xəbər verir ki, Azərbaycan Futzal Federasiyasından verilən məlumata görə, həlledici raund ilk dəfə olaraq 16 komandanın iştirakı ilə keçiriləcək.

Zeist-də təşkil olunacaq püşkatma yerli vaxtla saat 18:00-da start götürəcək.

Meydan sahibi Niderlanddan başqa, Azərbaycan, Bosniya və Herseqovina, Xorvatiya, Finlandiya, Gürcüstan, İtaliya, Qazaxıstan, Polşa, Portuqaliya, Rusiya, Slovakiya, Sloveniya, İspaniya və Ukrayna milliləri də final mərhələsində iştirak edəcək.

Sonuncu vəsiqənin sahibi isə noyabrda Belarus və Serbiya yığmaları arasında keçiriləcək pley-off oyunlarından sonra müəyyənləşəcək. Artıq komandalar səbətlərə bölünüb. Qruplara hər səbətdən bir komanda düşəcək. Deməli, millimiz Xorvatiya, İtaliya və Serbiya-Belarus cütünün qalibi ilə bir qrupda yer almayacaq. Meydan sahibi Niderland isə püşk atılan zaman avtomatik olaraq A qrupunda 1-ci pillədə qərarlaşacaq.

1-ci səbət

İspaniya, Rusiya, Portuqaliya, Qazaxıstan

2-ci səbət

Xorvatiya, Azərbaycan, Serbiya/Belarus, İtaliya

3-cü səbət

Ukrayna, Sloveniya, Bosniya və Herseqovina, Polşa

4-cü səbət

Finlandiya, Slovakiya, Gürcüstan, Niderland

Qeyd edək ki, indiyə qədər İspaniya 7, İtaliya 2, Rusiya və Portuqaliya isə hərəyə 1 dəfə Avropa çempionu olub. Bosniya və Herseqovina, Gürcüstan, Finlandiya və Slovakiya isə həlledici mərhələdə debüt edəcəklər