Avropa gizli şəkildə Rusiyadan neft almağa davam edir

Bu barədə “Bloomberg” məlumat yayıb

İtaliya, İspaniya, Yunanıstan, Bolqarıstan və Rumıniya gizli şəkildə Rusiya neftini alır, Şimali Avropa ölkələri isə bu cür alışları azaltmaq planına sadiq qalırlar.

Qazet.az xəbər verir ki, bu barədə “Bloomberg” məlumat yayıb. Avqustun 5-də başa çatan həftədə Rusiyanın Baltik və Qara dənizlərdəki ixrac terminallarından İtaliya limanlarına xam neft tədarükünün həcmi son yeddi həftənin maksimumuna çatıb. Bundan əlavə, avqustun əvvəlindən aprel ayından bəri İspaniya ilk dəfə olaraq Rusiyanın Urals markalı neft partiyasını alıb. Bildirilir ki, çatdırılma Qazaxıstandan edilib. Yunanıstan fevral ayından bəri ilk dəfə Urals alıb.

Nəşrin məlumatına görə, Bolqarıstan və Rumıniya Rusiyadan alınan karbohidrogenlərin alışını gündə 255 min barrelə çatdırıb. Agentlik qeyd edir ki, Cənubi Avropa və Aralıq dənizi ölkələri tərəfindən satınalmalar Rusiyanın karbohidrogenlərinə tələbatı gücləndirir ki, bu da Rusiyaya qarşı sanksiyalar rejiminin pozulması riskinin yüksək olması deməkdir.