Avropa Liqası: “Qarabağ”ın “Olimpiakos”a vurduğu qolu ləğv etdi

5-ci dəqiqədə Zubir topu Olimpiakosun qapısına göndərdi.

Lakin VAR qolu ləğv etdi. Kiçik ofsayd oldu.

* * * 23:00

Qarşılaşma başlayıb.

* * * 22:38

Olimpiakos və Qarabağ start heyətləri .

Olimpiakos : Kostas Zolakis , Şime Vrsalko, Pap Abu Sisse, Pipa, Oleq Ryabçuk, Andreas Buhalakis, Yann M'Vila, Pyer Künd-Malonq, Harri Rodriqes, Hvanq İn Beom, Pep Biel.

" Qarabağ " : Şaxrudin Maqomedəliyev, Bəhlul Mustafazadə, Bədavi Hüseynov, Marko Veşoviç, Elvin Cəfərquliyev, Qara Qarayev, Riçard Almeyda, Kadi, Leandro Andrade, Abdella Zubir, Ovusu.

* * * 17:24

Bu gün Bakı vaxtı ilə saat 23:00-da Pireydəki "Georgios Karaiskakis" stadionunda Yunanıstanın "Olimpiakos"u ilə Azərbaycanın " Qarabağ om" komandaları arasında Avropa Liqasının qrup mərhələsinin 3-cü turunun oyunu başlayacaq.

Görüşü İrfan Pelitonun rəhbərlik etdiyi Bosniya və Herseqovinadan olan hakimlər briqadası idarə edəcək. Hollandiyanın nümayəndələri Jeroin Manchot və Erwin Blank video assistent vəzifəsinə təyin ediliblər.

“ Qarabağ ” 2 turdan sonra 3 xalı var və qrupda 2-ci yeri tutur. Qurban Qurbanovun komandası səfərdə Almaniya “Frayburq”una uduzub (1:2), evdə Fransa “Nant”ını darmadağın edib (3:0).

Olimpiakosun xalı yoxdur. Yunanlar 1-ci turda səfərdə "Nant"a uduzub - 1:2, 2-də isə evdə almanlara 0:3 hesabı ilə yenilib. Bu uğursuzluqlardan, həm də Yunanıstan çempionatında uğursuz startdan sonra komandada baş məşqçi dəyişdi. İspan Karlos Karberanın yerini onun həmyerlisi, “Real Madrid”in və İspaniya milli komandasının tanınmış sabiq futbolçusu Mişel tutub.

G qrupunda turnir cədvəli:

1. Frayburq - 6 xal (2 matç)

2. "Qarabağ" - 3 (2)

3. "Nant" - 3 (2)

4. Olimpiakos - 0 (2).

Qrupumuzda paralel keçiriləcək görüşdə "Frayburq" "Nant"ı qəbul edəcək.

Buna qədər avrokubokların püşkatma mərasiminə yalnız bir dəfə Yunanıstan klubu ilə "Qarabağ" gətirib. Ağdamlılar 2016/17 mövsümünün Avropa Liqasının qrup mərhələsində PAOK-u iki dəfə məğlub edib - Bakıda 2:0, Salonikidə 1:0.

“Olimpiakos” ötən yay Çempionlar Liqasında “Neftçi” ilə qarşılaşıb və iki dəfə 1:0 hesabı ilə qalib gəlib.

Ümumilikdə Azərbaycan və Yunanıstan klubları 12 oyun keçirib. Komandalarımız iki dəfə (söhbət “Qarabağ"ın PAOK üzərindəki həmin iki qələbəsindən gedir), 6 dəfə rəqib heç-heçə oynayıb, 4 dəfə isə yunanlar qalib gəlib.