"Avropa üçün burada yeni bir yol inkişaf etdirmək istəyirik"

Naftalan şəhərində media nümayəndələrinin iştirakı ilə elmi-praktik konfrans keçirilib.

Qazet.az xəbər verir ki, konfransın ardından Almaniya tibb sağlamlıq assosiasiyasının prezidenti Lutz Lunq Vitz jurnalistlərin suallarını cavablandırıb:

"Burda olmağıma şadam. Gələcək əməkdaşlığın inkişaf etdirilməsi baxımından burda iştirakımdan məmnunam".

Əməkdaşlıq barədə nə deyə bilərsiniz?

"Azərbaycan əvvəlki illərə nisbətdə əməkdaşlığa daha açıqdır. Almaniya nöqteyi-nəzərdən insanlar bu regiona səfər etməkdə maraqlıdır. Lakin biz birlikdə çox iş görməliyik. Biz düzgün yoldayıq. Yalnız almanlar üçün deyil, bütün Avropa üçün burada yeni bir yol inkişaf etdirmək istəyirik".

Harada layihələr həyata keçirmək istəyirsiniz?

"Assosiasiya adından ne etmək istədiyimizi deyə bilərəm. PMD hotellərlə bir layihəyə başlayıram. Biz sığorta proqramında, satış və marketinq sahəsində birlikdə çalışacağıq. "İTB" şirkətindən bu məqsədlə istifadə etmək niyyətindəyik. Naftalanda yerli rəhbərliklə görüşlər keçirdik. Turizm sahəsinin inkişafını müzakirə etdik. Təbii ki, almanlar üçün Azərbaycan nefti, enerji infrastrukturu maraq doguran sahədir".