AXCP üzvünə hökm oxunub - Məhkəmə qərarı

Hadisə 14:47 15 noy, 2021

Onun barəsində Cinayət Məcəlləsinin 126.2.4 maddəsilə ittiham irəli sürülüb

AXCP üzvünə hökm oxunub - <span style="color:red">Məhkəmə qərarı</span>

Bakı Ağır Cinayətlər Məhkəməsində Azərbaycan Xalq Cəbhəsi Partiyasının (AXCP) üzvü Aqil Hümbətovun cinayət işi üzrə məhkəmə iclası yekunlaşıb.

Qazet.az Report-a istinadən xəbər verir ki, hakim Samir Əliyevin sədrliyi ilə keçirilən prosesdə hökm oxunub.

Hökmə əsasən, A.Hümbətov 10 il müddətinə azadlıqdan məhrum edilib.

İttiham aktına əsasən, A.Hümbətov Yamən Məmmədovu bıçaqlayıb. Onun barəsində Cinayət Məcəlləsinin 126.2.4 (ümumi təhlükəli üsulla, xuliqanlıq niyyətilə qəsdən sağlamlığa ağır zərər vurma) maddəsilə ittiham irəli sürülüb.