Axtarışda olan Samir İbişov Fransada saxlanıldı
Azərbaycan vətəndaşı Avropa Polis Təşkilatı (Europol) tərəfindən saxlanılaraq Almaniya hüquq-mühafizə orqanlarına təhvil verilib.
![Axtarışda olan Samir İbişov Fransada saxlanıldı](https://qazet.az/resized/fit900x500/center/pages/25133/bc0ddcdd-22d4-451e-a60b-341608c330f5.jpeg)
Bu ilin yanvar ayından Almaniyada axtarışda olan Azərbaycan vətəndaşı Fransada saxlanılıb.
Qazet.az Report-a istinadən xəbər verir ki, əslən Masallı rayonundan olan, 35 yaşlı Samir İbişov Fransada qaldığı qaçqın yataqxanasında tutulub.
Azərbaycan vətəndaşının saxlanılmasına səbəb isə onun Almaniyada polis tərəfindən axtarışa verilməsi olub. Məlum olub ki, 2020-ci ilin dekabr ayında Almaniyanın Koblenz şəhərində 38 yaşlı Almaniya vətəndaşına bıçaqla xəsarət yetirən S.İbişov ölkəni tərk edib.
Daha sonra o, Fransada Marsel şəhəri Miqrasiya İdarəsində başqa adla qeydiyyata düşüb.
Nəhayət, ötən gün Azərbaycan vətəndaşı Avropa Polis Təşkilatı (Europol) tərəfindən saxlanılaraq Almaniya hüquq-mühafizə orqanlarına təhvil verilib.