"Azərbaycan bütün məsələləri irəli sürüb və Rusiya həmişə bunu dəstəkləyib" - İlham Əliyev

Siyasət 15:19 29 noy, 2021

Azərbaycan Prezidenti İlham Əliyev Rusiyanın “Rossiya-1” telekanalına müsahibə verib

"Azərbaycan bütün məsələləri irəli sürüb və Rusiya həmişə bunu dəstəkləyib" - <span style="color:red">İlham Əliyev</span>

Noyabrın 28-də Rusiyanın “Rossiya-1” telekanalında efirə gedən “Kreml. Putin. Moskva” verilişində Rusiya Federasiyasında işgüzar səfərdə olarkən Azərbaycan Respublikasının Prezidenti İlham Əliyevdən Soçi hava limanında bu veriliş üçün alınan müsahibə yayımlanıb.

Qazet.az müsahibəni təqdim edir.

Prezident İlham Əliyev: Biz Azərbaycanda bunu çox müsbət qiymətləndiririk. Mən bunu bu gün görüşdə də demişəm. Rusiya Ermənistan ilə Azərbaycan arasında münasibətlərin normallaşması üçün çox mühüm rol oynayır. Görüşün yekunlarına əsasən qəbul etdiyimiz, nəqliyyat şəbəkələrinin açılması, delimitasiya üzrə komissiyanın işə hazırlaşması üçün atılan addımlar barədə Birgə Bəyanat buna dəlalət edir. Azərbaycan bütün bu məsələləri dəfələrlə irəli sürüb və Rusiya bunu həmişə dəstəkləyib. Buna görə, bugünkü görüş də çox böyük əhəmiyyət kəsb edir.