Azərbaycan nefti ucuzlaşdı
![Azərbaycan nefti ucuzlaşdı](https://qazet.az/resized/fit900x500/center/pages/117338/14771200611788539609-1000x669-0.jpg)
Dünya bazarında "Azeri Light" markalı Azərbaycan neftinin 1 barelinin qiyməti 1,06 ABŞ dolları, yaxud 1,09 % azalaraq 96,61 ABŞ dolları təşkil edib.
Bu barədə Qazet.az-a neft bazarındakı mənbə məlumat verib.
Hərraclarda “Brent” markalı neftin dekabr fyuçersləri 95,77 ABŞ dollara satılıb.
Azərbaycanın builki dövlət büdcəsində bir barel neftin orta qiyməti 85 ABŞ dollarından götürülüb.
Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Azərbaycan Respublikası Dövlət Neft Şirkətinin (SOCAR) payı 25 %-dir.