Bakı 7˚C Showers

Azərbaycana fərdi zirehli geyimlərin və minaaxtaran itlərin idxalı 5 il müddətinə vergidən azad edilir

Gündəm 11:58 08 dek, 2021

Bu  Vergi Məcəlləsinə təklif olunan əlavələrdə öz əksini tapıb

Azərbaycana fərdi zirehli geyimlərin və minaaxtaran itlərin idxalı 5 il müddətinə vergidən azad edilir

Azərbaycana fərdi qoruyucu zirehli geyimlərin, alətlərin, minaaxtaran itlərin, partlayıcı və pirotexniki vasitələrin idxalı 5 il müddətinə vergidən azad edilir.

Qazet.az-ın xəbərinə görə, bu məsələ Vergi Məcəlləsinə təklif olunan əlavələrdə öz əksini tapıb.

Beləliiklə, Məcəlləyə əlavə olunan yeni maddəyə əsasən, müvafiq icra hakimiyyəti orqanının müəyyən etdiyi orqanın (qurumun) təsdiqedici sənədi əsasında Azərbaycan Respublikasının işğaldan azad edilmiş ərazilərinin, habelə müharibə və hərbi əməliyyatların təsirinə məruz qalmış digər ərazilərin minalardan və partlamamış hərbi sursatdan, tərkibində partlayıcı olan qurğulardan və digər partlayıcı qalıqlardan təmizlənməsi çərçivəsində bütün növ texnikanın, avadanlıqların, texniki vasitələrin və qurğuların, onların ehtiyat hissələrinin, fərdi zirehli qoruyucu geyimlərin, alətlərin, minaaxtaran itlərin, partlayıcı və pirotexniki vasitələrin idxalı 15 oktyabr 2021-ci ildən 15 oktyabr 2026-cı ilə qədər vergidən azad edilir.