Azərbaycanda bu qadağa uzun müddət sonra LƏĞV OLUNDU

Hamam xidmətləri göstərən obyektlərin xidmətlərindən yalnız COVID-19-a qarşı ən azı 2 doza peyvənd olunmuş  şəxslər istifadə edə bilər

Bu gündən etibarən Azərbaycanda hamamların fəaliyyət göstərməsinə icazə verilir.

Qazet.az xəbər verir ki, bu, Nazirlər Kabinetinin dekabrın 11-də xüsusi karantin rejimində ictimai iaşə, xidmət müəssisələrinin fəaliyyəti və peyvəndlənməyə dair qərarında əksini tapıb.

Hamam xidmətləri göstərən obyektlərin xidmətlərindən yaşı 18-dən aşağı olan şəxslər istisna olmaqla, yalnız COVID-19-a qarşı ən azı 2 doza peyvənd olunmuş və ya COVID-19-dan sağalaraq immunitetə malik olmaları barədə təsdiqedici sənədi olan yaxud COVID-19-a qarşı peyvəndə əks-göstərişi müəyyən edən əks-göstəriş sertifikatı olan şəxslər istifadə edə bilər.