Azərbaycanda kreditlərin həcmi artdı
Ümumi kredit portfelinin 14 milyard 165,8 milyon manatı və ya 80,5 faizi uzunmüddətli kreditlərin payına düşüb
![Azərbaycanda kreditlərin həcmi artdı](https://qazet.az/resized/fit900x500/center/pages/67902/a85777b2-2345-4834-86e9-a5d3e968d6ed.jpeg)
Mərkəzi Bankın təqdim etdiyi məlumata görə, mart ayının 1-nə ölkənin bank və digər kredit təşkilatlarının kredit portfeli əvvəlki ilin eyni dövrü ilə müqayisədə 20,3 faiz artaraq, milli valyuta ekvivalentində 17 milyard 587,2 milyon manat təşkil edib.
Dövlət Statistika Komitəsindən Qazet.az-a bildirilib ki, ümumi kredit portfelinin 14 milyard 165,8 milyon manatı və ya 80,5 faizi uzunmüddətli kreditlərin payına düşüb.
Kreditlərin 97,4 faizi banklar, 2,6 faizi isə bank olmayan kredit təşkilatları və kredit ittifaqları tərəfindən verilib.
Ödəmə vaxtı keçmiş kreditlərin məbləği il ərzində 24,8 faiz azalaraq 690,2 milyon manat olmuş və ümumi kredit portfelinin 3,9 faizini təşkil edib.