Azərbaycanda müdafiə və milli təhlükəsizlik xərcləri 16%-dən çox artırılır

Bu məsələ "2022-ci il dövlət büdcəsi zərfi haqqında” qanun layihəsində əksini tapıb

Azərbaycanda 2022-ci ildə müdafiə və milli təhlükəsizlik, məhkəmə hakimiyyəti və hüquq-mühafizə orqanlarının və prokurorluğun saxlanılması üçün dövlət büdcəsindən 6,852 milyard manat xərclənəcək.

Qazet.az-ın xəbərinə görə, bu məsələ "2022-ci il dövlət büdcəsi zərfi haqqında” qanun layihəsində əksini tapıb.

Sənədə əsasən, bu, gələnilki büdcə xərclərinin 22,9%-i deməkdir, 2021-ci ilin təsdiq olunmuş göstəricisi ilə müqayisədə 2,6% çoxdur.

Həmin vəsaitin 2,89 milyard manatı müdafiə və milli təhlükəsizlik üçün, 2,362 milyard manatı isə məhkəmə hakimiyyəti və hüquq-mühafizə orqanlarının və prokurorluğun saxlanılması nəzərdə tutulub. Bunlar isə illik müqayisədə müvafiq olaraq 16,3% və 12,9% çoxdur.