Azərbaycanda onlayn ticarət 70 faizə yaxın artıb
Onun sözlərinə görə, bu göstəricinin artmasına pandemiya yol açıb, belə ki, bu dövrdə bütün biznes onlayn mühitə keçib
![Azərbaycanda onlayn ticarət 70 faizə yaxın artıb](https://qazet.az/resized/fit900x500/center/pages/53083/0616781c-f217-4316-9b7e-a8fc61fa2d2d.jpeg)
2021-ci ildə Azərbaycanda elektron kommersiya platformalarında ticarət dövriyyəsi 2020-ci illə müqayisədə 68 faiz artıb.
Qazet.az Trend-ə istinadən bildirir ki, bunu "Azexport" internet portalının rəhbəri Ayxan Qədəşov mətbuat konfransında deyib.
Onun sözlərinə görə, bu göstəricinin artmasına pandemiya yol açıb, belə ki, bu dövrdə bütün biznes onlayn mühitə keçib.
"2021-ci ildə Azərbaycanda 7 milyard dollardan çox onlayn alqı-satqı reallaşdırılıb. Bu, 2020-ci illə müqayisədə 3,32 milyard dollar və ya 68 faiz çoxdur", - deyə o bildirib.
A.Qədəşov qeyd edib ki, ölkədə həmçinin bank kartlarının sayı artıb.
"2021-ci il dekabrın sonunda Azərbaycanda bank kartlarının sayı 11,04 milyon ədəd təşkil edib. Bu da öz növbəsində ölkəmizdə elektron kommersiyanın artımına xidmət edir", - o, deyib.